Qoqqowu faynaanse biro xiinxallinoonni amuraate kaiminni dayrekitoreetete uynoonni biilloonyenna loossa noo gede heedheenna tenne tantanonni aantino tittirshu loosinna biilloonyi noosi;-

• Dayrekitoreetete mixo qixxeessatenni xaphoomu seeru allaalaanchira shiqishatenni wonsiisatenni hattono qoqqowu faynaanse biro soyatenni loosu jeefisshu rippoorte yanna agadhe keena, haja la’annosi loosu kifilera shiqisha,
• Balaxo uynanni loossa loosu mini hexxo ledo xaaddinota ikkase buuxate yaaddo woy reqeco noonsa loosu kifilla kaima assitino mixonna progiraame qixxeessatenni aliidi massagaanora shiqishe wonsiisa. 
• Bajeette hafanfarrete iillishshanno assotubba badatenni suuqonna gumaamimma kaima assino looso loosate dandiissannoha hattono yaaddo woy reqecco ajishanno assoote diriirsa,  
• Loosu minira gaammoonni baajeeette faynaansete seeranna amanyoote harunse loosu aana hosasi harunsa, foonqe leelturo hasiissanno taashsho assinanni gede aliidi massagaano ledonna hajo la’annosi bisira egensiisa,   
• Odiitetenna cufantino shallago keenishshu tajubba woy rippoortubba gamba assatenni loosonna faynaansete odiite looso loosa, harunsonna keeno assa, tittirsh tiro aa.
• Odiitete qorto kaiminni afaminore borreessatenni taashshote qaafo adhinanni gede aliidi massagaanora egensiisa, assinoonni taashsho harunso assa, 
• Balaxxe shiqqino giddoydi odiite rippoortubba kaiminni taashshote qaafo adhinoonnikki odiitetenni anfoonni soro harunsatenni taashshote qaafo adhinanninsa gede loosu mini aliidi massaagaanora qaagisa. 
• Loosu mini aliidi massagaano noowa goofimarchu odiitete rippoorte qixxeessatenni odiitetenni afantino so’ro aana yanna yannantenni hasaawa assa, 
• Giddoydi odiiterootinni shiqqanno odiitetenni afantino so’ro aana taashshote qaafo adhinanni gede harunso assa. 
• Loosu ledo fiixoominoha ikkasi wolootu biddissubbanna assootu manuwalubba lainore assootenna Farcote Biironni bande uynanni loossa loosa.