Seera Rosiishshanna Tuqisate Dayrektoreete   Tini dayrektoreete woshshamaanchimmase handaaraho ikkite kooni woroonni aante nooti biilloonyinna loossa noosi,  Seeru baqqeenyi rosiishshi sanadda qixxeessanno, Seeru baqqeenyi rosiishsha uynanni hayyo badatenni seeru roso aanno, qansootaho seeru baqqeenya lossanno. Seeru baqqeenyira kaa’lanno assooti amanyoote qixxeessanno, attamsiisanno, dagoomaho iillanno gede assanno,  Uurrinshunni alba la’nanni seeru baqqeenya lossate tantanubba badanno, seeru baqqeenyi roso uynanni amanyoote kalaqanno, loosu aana hosiisanno, tantanubbatenni seeru baqqeenya uynoonnita harunsanno.   Uurrinshu elektiroonetenna attamshu midiya tanatanatenni woy ayyarete saate hidhatenni/kirunni seeru baqqeenyi rosiishsha aanno, uynanni gede assanno. Hajo la’annonsa loosu kifilla ledo ikkatenni seeru aliidimma buuxisiisate qoqqowu mootimma biiltora, mootoonsinoonnirira, daga riqibbe doorantinorira, loosaasinete hattono hasiisanno garinni seeru baqqeenya aanno, Hajo la’annonsa loosu kifilla ledo ikkatenni mannihimmitte qoosso rosonna seeru baqqeenya bowirsate babbaxxino hayyo roso aanno, handaaraho loossanno hajo la’annonsa bissa qineensanno,   Hajo la’annonsa bissa ledo halamatenni mannunni dadda’lanna manna seeru gobbaanni widira saysate jaddo gargaratenna illaallisate dagoomahonna hajo la’annonsa bissara huwanyo cu’mishiishate looso loosanno,  Seeru baqqeenyanna tuqasa abbitino  horo xiinxallanno, woyyeessate qaafo adhano,   Loosinsa akati garinni seeru allaalaanonna gashshaano loosaasine seeru baqqeenyi qajeelshi tittiro harancho, mereerimanna seeda yanna mixo qixxeessanno, jeefisanno, jeefisiisanno,    Seeru baqqeenyi rosi hasatto doyyiishsha assatenni leellinorichi aana hasiissanno qaafo adhanno, /Seeru baqqeenyi rosi hasatto doyyiishsha assatenni haranchonna seeda yanna rosunna baqqeenyu pirogiraamma qixxeessatenni huwanyo kalaqanno. Seeru baqqeenyi rosi uduunne qixxeessanno, qixxaabinore amadonsa keenanno, heewotenni qixxeessinanni huwanyote umu/birxe/ hajo doorsha badatenni qixxaawanno gede assanno, huwanyote pirogiraamma qixxeessanno Uurrinshannita egennote mereersha/maxaaffa nabbanbanni mine/ tantananno, maxaaffa nabbanbanni owaante aanno, gasshanno,  Gamba yitinorenna xaphi assinoonnita qoqqowoho afantanno keeshshitinotanna haaroo seerubba owaatamaano dagara iillisha /tuqisate looso loosa,   Addi addi doogga (Televizhiine, raadoone, dagoomu tantanonna w.k.l) ho’ronsiratenni seeru huwayo  kalqqano   Mereershubatenna Hawaasi quchummi gashshooti aliidi seeru allaalshi uurrinshubbanna woradu deerrinni no loosu kifilla assote harunsanno, hasiisannoha ogimmate irko aanno Handaaru sooreessinni uynannita woloota loossano loosanno.