Jaddotenna Fithabeerete Hajubba Handaara

Kunni handaari qaru xaphoomu seeru allaalaanchinni uynoonni babbaxxino loossa jeefisiisannoha ikkanna leedotenno woshshamaanchimmansa konni handaara massagaanoohura layinnkki xaphoomu seeru allaalanchira ikkitinno dayrekitoreete massagaanno:-

1. Muishshu Jaddo Dayrekitoreete

2. Taakisetenna Ikkonoomete Jaddo Dayrekitoreete

3. Addi Addi Jaddo Dayrekitoreete

4. Fiithabeerete Hajubba Dayrekitoreete.

Jaddotenna Fitihabeerete Hajubba Handaarinna Laynikki Xaphoomu Seeru Allaalaanchi

Kunni handaari woshshamaanchimmasi qaru seeru allaalaanchira ikke loosannorinna biilloonyisino:-

• Farcote Biiro uurrinsi lallawi 6/2012 quwa 12 tittirroonni biilloonyenna loossa loosu aana hosiisanno
• Handaaraho woshshamaancho ikkitino xaphooma tantanubba aliidimmatenni massaganno. 
• Woshshamaanchimmansa handaaraho ikkitino dayrekitoreetubbanna mereershubba aliidi seeru allaalshi uurrinshubba loossanna jeefishsha qineensanno, irkisanno, hasiisanno loosi aana hajajo aanno. 
• Jaddote hajo aana deerru deerrunkunni heedhanno dayrekitoreetootinna sooreeyye hattono fitihabeerete dayrekitoreetenni uynoonni gumulo aana woxaratto shiqquro buuxo asse gumulo aanno. 
• Woshshamaanchimmansa handaaraho ikkitino dayrekitoreetootinna b/mini sooreeyyera fajjote xa’mo aana gumulanno. 
• Hundasiinni heedhanno dayrekitoreetoota loosu jeefishshi deerra hajo la’annonsari ledo ikkatenni yanana yannatenni keenanno, keenotennino kae hasiissannoha taashshote qaafo adhanno. 
• Handaaru sooreessi loosoho lifinxeranna gummaamimma daafira biilloonyunna loososi hajo la’anno dayrekiteerera lekkishshunni saysa dandaanno.
• Hundasiinni nooha mannu wolqa laooshshunna dandoo aana leeltanno foonqe badatenni tirranni raga woratenninna mitiimma tiratenni guma abbisiisanno. 
• Hundasiinni loosu handaarubba aana massagote mixo mixi’ranno, mixote jeefishshi rippoorte yannase agare keennanni gede assanno. 
• Farcote Biiro uurrinshanni uynoonni biilloonyinna loossa mixiratenni, tantanatenni, massagatenninna qineensatenni xaphoomu seeru allaalaanchira kaa’lanno. 
• Xaphoomu seeru allaalaanchinni bande uynannita wollota loossa loosanno. 
• Handaaru loosaasine loosu jeefishshi gumansa yanna agare keennanni gede assatenni deerransa badanno, konni garinni dhuku kaajjilli hasiisannonsa loosaasinera qajeelshu hassatto farcote woyyeessate borro minira shiqishshano. 
• Handaaru giddo soorrote uduunne yaano, BPR, qansaanote charterenna BSC loosu aana hosiinsanni gari sufamme noosi garinni gumaamo ikkanno gede qineensanno, harunsannono.  
• Handaaho loosantanno/jeeffanno/ tittirshu assotu biddissubba loosu aana hossanno gede qineensanno, harunsanno.

 

 

3.2.2. Loosu Amuraate 

Handaaru taantaano amuraatubba kaiminni loososinna biilloonyesi fulanno

• Mixote jeefishshi hundasiinni afantanno kifilla ledo ikkatenni aganunni, 3, 6, 9 aganinni, dirunni keenanno, foonqe noowano bade tirranni ragano woranno, loosu aana hosase harunsanno.
• Borrote mininni kayse jaddote hajubba deerransa agadhite shiqqannosi woxaratto woy koffeenya buuxe hasiissanno gumulo aanno.
• Loonsanni loossa soorrote loosaasine jawaate manuwale gaamubbanninna soorrote uduunni kaiminni worroonnita ikkitanno gede assa noosi. 
• Handaaru loosaasine jeefishshu gumi yannasi agadhe guma illachishino (wuxeti tekori) amanyoote garinni loosu kifillanni keennanni gede assatenni deerransa badanno, konni kaiminni dhuku kaajilli hasiisannonsa loosaasinera qajeelsha uynanni gede assanno, 
• Xaphoomunni loosu handaarira hasiisannosiha mannu wolqanna gibiate yanna yannatenni harunsatenni wo’manno gede haja la’anno loosu kifilera saysanno. ፡
• Hundasiinni noo loosu kifilla umisinni mare woy filiqishsha aatenni harunsonna irko assanno.
• Uurrinsha wolu gutamaano ledo waaxotenni loossanno.

Jaddotenna Fitihabeerete Hajubba Handaari Hunda Noo Dayrekitoreetooti Gutunna Hojji Loossanna Biilloonye

Dayrekitoreetubbati Gutu lossanna Biilloonye 

• Dayrekitoreete wonshamaanchimmase jaddotenna fitihabeerete hajubba 2ki seeru allaalaanchira ikkite konni woroonni shiqqino gutu loossanna biilloonyi noonsa,
• Bande uynoonnisa jaddote/Fithabreerete/ hajubba garinni hundansaanni noo jaddote tantanubba, mereershubbatenna quchumaho heedhanno aliidi seeru allaalaano uurrinshubbanna b/minna irkisa, qineensa, massaga, 
• Mixo qixxeessa, loosu jeefishshu rippoorte yanna agare keena, haja la’annosi loosu kifilera shiqisha,
• Qortote kisse loossa gumaame ikkitanno gede qineensa, harunsa, irkisa, massaga, 
• Qummeessubbana qummeessa uytannori ayimma fojo maaxate dandiissanno assote diriirsa, jeefishshansa harunsa, qorqora, 
• Shiqqino woxaratto aana dawaro aa, dawaro uynanni gede asa, jeefishshansa harunsa, 
• Dayrekitoreetete hundanni noo ogeeyyenna loosaasinera diru fajjo aa, diru fajjo aanino dirira saysa, woxu widira qolle soorrinanni diru fajjo heedhuro handaara massaganno 2kki xaphoomu seeru allaalaanchi ledo ikke gumula,  
• Qoqqowu mootimma lekkise woy federaalete uynoonnisi lekkishshi garinni jaddote hajubba kisse xinta, 
• Dagate horo kaima woy jaddotenni xa’missannokki ikkito hee’rase xawoho afanturo jaddote qorto uurritanno woy uurritinoti jaddote qorto sufantanno gede hajajo aa, ikkado taje hoongiro seeru garinni dikassasiisanno yitanno gumulo aa
• Jaddote tajubba aana uynoonni seeru allaalaanonna yoote mini gumulo hajo la’annosi bisira egensiisanno, 
• Seeru garinni hunaanchimmate sumuumme assinanni gede gumula, sumuumme assa, wole woyyitanno doogonni qaafo adhinanni gede gumula, loosu aana hosase harunsa,  
• Deerru deerrunkunni no tantanubbanni uynoonni gumulo aana koffeenyu shiqiro buuxe gumulo aa,
• Seeru garinni balaxote qorto assa woy assiisa, 
• Ci'runnikkunni loonsonni jaddo  heedhuro rahotenni seeru amanyooti gumulo afiranno doogo injeessa, konnirano polisetenna wolootu hajo la’annonsa bissa ledo halame loosa, 
• Jaddote hajo naqaashshootira yannatenni woshshatto iillishannonsa gedenna naqaashshootano yoote minira shiqishanno gede pooliste hajajo  aa, hasiisannoha ikke leelliro seeru allaalaanchi naqaashshootira hasiisanno agarooshshe afidhanno gede assa, 
• Yoote minna jaddote hajora uynanni gumulonna hajajubba jeefansanna hayirransa harunsa, jeeffukkinni gatturo woy jeefishshinsa seera agarinokkiha ikkiro hajote aana gumulo uyno yoote minira ku’laato shiqishatenni tashshote qaafo adhinanni gede assa, yoote mininni sonkanni jaddote qorichubba, woowete woxenna ragi’nanni gede yinoonni jajja mootimmate eo assinanni gedenna harunso assinanninsa gede hattono fitihabeerete yekkeero kayissannore ikkite leelturo yekkeero assinanni gede fitihabeerete hajubba dayrekitoreetera wo’ma taje ledo saysa/aa,  
• Gaamotenni hattono loosu jaallaa mereero hasiisanno loosu xaadooshshinna waaxooshshi heeranno gede assa, badooshsu/qarrubba heedhuro qarra tiratenni loosu xadooshshe kalaqa,  
• Handaarunni 2^kki xaphoomu seeru allaalaanchi ledo ikkatenni jaddote farco gashshooti hajubba lainohunni loosu mixo qixxeessatenni keena, keenote kaiminni hasiisannoha taashshote qaafo adha,  
• Loosinsa giddo no mannu wolqa egeenno, dandootenna laooshshu aana leeltanno foonqe tiratenni  gumaho iillishsha, 
• Dayrekitoreetete hasiisannoha mannu wolqanna wole hasiisannoricho /gibiate/balanxe wo’manno gede assa,
• Loosu mine jeefisantannotinna dayrekitoreete la’anno tittirshu assooti biddishshubba loosu aana hosansa harunsa,  
• Dayrekitoreetete noo assoote, loosoho hasiisannorichinna /gibiati / ise labbanno qarrubba tidhantanno ikkitubba gutunni injeessa, loossano irkisamatenni loosa,
• Handaaru 2^kki xaphoomu seeru allaalaanchinnni bandeenna uynannita woloota loossa loosa,  
• Biilloonyinsara hundaanni ubbanno jaddote hajubba aana haja la’annonsa bissa ledo gutunnni qorto assanno gumulo aanno, kisse xintanno, hananfoonni qorto kisse uurrinsanni biddishshi garinninna wolootu seerubba garinni uurritanno gede assanno, 
• Qortote loosi  beeqqasinni sae mereerimanna jajjaba jadduwa qortote looso amadino seeru allaalaanchi kisse xinte goofimarchu geeshsha yekkeero assanno, 
• Qortote aana beeqqinohu seeru allaalaanchi qortote taje aana gumulo aatenna seeru garinni coyii ikkito garinni yoote mini balaxenna yoote mine harinshote aana balanxe xiinxallinoonni sumuummete doogo kaiminni kassasamaanchu ledo hunaanchimmate sumuumme assa dandiinanni.
• Jaddote guma ikkitino woy jaddo loosate kaa’litino woy irkisaanchimma noonsa jajja seeru garinni kiantanno gede, ragirantanno gede, mootimmate eoassinanni gede, woy jaddote korkaatinni iillitino gawajjora labbanno kiiso baantanni gede assanno. 
• Egizibitete gumulo, amadooshshe, woorroonni garanna qollanni gara lainohunni egizibitete manuwale garinni gumulo aanno. 
• Qorto lainohunni poolisete ledo waaxooshshu assoote diriirsatenni loosu aana hosiisanno.

Xintu losu harinsho soorrote xiinxallo babbaxxitino yannara wonsinoonni assootu biddishshuwa, manuwalubbanna wolootu amuraatubba loosu aana hosiisanno.