Taakisetenna Ikkonoomete Jaddo Dayrekitoreete  Farcote Biiro tantano lallawi kiiro 6/2012 uynoonnisi biilloonyenna looso loosanno.Kuriuuno:-  Qoqqowu mootimmanni fultinota taksete seerubba sa’atenni loonsanni jaddubba woy federaalete mootimmanni flute qoqqowoho xaaddotenni woy lekkishshunni uynoonni hajubba kassasanno, gumulsiisanno.  Taksete seerubba sa’atenni loosantanno jaddubba qoqqowoho hasiisanno garinni mereershubbate uurrinshubbara qummeessa adhate dandiissiissanno kifile tantananno.  Qoqqowu poolise komishiine woy mereershubbate tantanantanno taksete seerubba sa’atenni loosantanno jaddo qoraancho poolise ledo ikke qummeessunni hanafe qorto buuxannoha seeru allaalaano gaamo tantananno, assootensano harunsanno.  Taksete seerubba sa’atenni loosantanno jadubba qoraano poolisooti ledo gutunni qoranno, buuxanno, massaganno, illaallisanno, harunsanno, biilloonyu noonsi yoo mine kisse xintanno, yekkeeramanno.  Taksete jaddo qummeessa woy woxaratto woy mazigawa adhatenni taje tantananno, dawaro aanno, hajo harunsanno bisira qummeessa woy mazigawu badooshshu kiiro aanno, mazigabbate aana gumulo aanno.  Kadotenna keedote hajubba harunsanno,  Federaalete hajubba federaalete Farcote Biironnilekkishsha uynisiro kassasanno, gumulsiisanno, Kassasamaanonna naqaashshootu shiqqanno gede assanno.  Mereershubbanna Hawaasi quchumi aliidi seeru allaalshi uurrinshubba looso harunsanno, hasiisannoha ogimmate irko assanno.  Hasiisano garinni mazigawubbate aana kissete lekkishsha aanno.  Loosu timo guutisate hasiissanno gutamaasine bissa ledo sumuummete borro/sanade/ qixxeessite malaatissanno.  Wolotu loosu ledo xaadu noonsa loossa loosanno.