Mannunni dadda’latenna manna Seerimale Baarawidira Taysiisate Hajubba B/Mine

Borrote mini Handaaru hunda galanoha ikkanna Federaalete Lallawwi Kiiro 1178/2012 qeechinooni moottimmanna loosu qeechi noo gede heedhenna, konni worooni noo loosinna qeechi noosi

Qoqqowu deerinni gobanniti Mannihimate qoosso loosu tittiro qoqqowu gaamo uyitanno hajajo garinni ikkasse harunsanno.

• Loosu tittiro giddo shiqinori, looso harisanno yine bandooni qoqqowu uurrinshuwa hexxo giddo qinaawase harunsanno.

   

  Qoqqowu uurrinshuwwa giddo mannihimate loosu tittiro harunsitano Fokaale persone ogeeye gaamano, qinaawe loosanno, irkona harunso asanno.

  Qoqqowunita dirunitanna bocu dirita loosu tittiro hexxona rippoorte qixeesano, qoqqowu harinshote gaamoranna Federalete Farcote Biirora Mannihimate qoosso Loosu tittiro B/minira Shiqishanno.

  Mannihimte Qoosso sa’o la’nohunni shiqqanno huluulonna koffeenyubba qoranno, qorantanno gede assanno.

  Seerunni Seeru Rosishshinna Tuqqishu Direktoreete ledo qinaawatenni qoqqoqu qagoomi mannihimate qoosso mannihimmate qoossona gadachaama garunni afe Seera ayirisannonna ayirisiisanno gede babaxitino doogonni Mannihimate Qooso, Meentunna Qaaquulu, Wolqate jaddo, Qaaquulu adhamana wolootu manchu beeti Mannihimate qooso ledo xaadino hajubba iima huwanyo kalaqate woy seeru baqeenyu rosishsha uynanni gede assanno,handaaru aana loosanore qineessa.

  Hajo la’annonsa uurrinsha ledo qinaawe Qoqqowunita mannunni dadda’lanna mannunni seerimale doogonni qasisso sayisate jaddo ledo hexxo qixxeesateni, hexxo loosu aana hosiisanorira iilitanno gede assa.

  Mannunni Dadda’la, Manna seerimale doogonni qasisso sayisate jaddo loosannore qoqqowoho, mereershubbatenna Hawaassi Quchumi Gashshooti deerrinni injeesinoonita kaalote mittimma gaamo albisa, irkisa, harunsa.

  Mannunni Dadda’la, Manna seerimale doogonni qasisso sayisate jaddo gargarate dandiisannota rosu manuwaale qixeesanna Qoqqowu loosaasinera, Mereershubbate, Hawaassi Quchumi Gashshootinna Woraddate iilitanno gede assa.

  Hajo la’annonsa Mootimaawenna Mootimaaawe ikkitinoki Uurrinshuwa ledo kaalamatenni Mannunni Dadda’la, Manna seerimale  doogonni qasisso sayisate jaddo la’inohunni, roorenni seerimale mannu daddalaasineranna seerimale Manna qasisso sayisanori, horonsidhannore anfoonni miccaamanno filtanno hayyo,wolqansa horoonsiranna keshshishanno hayyo,miccaamanno reqechi assitanno danna,miccaamanno mashalaqenna irko afi’dhara dandiitanno uurrinshubbanna seera ayyiriisisanno bissa looso la’inohunni yanna yannatenni progiraame,harancho boorro,rosishshu moojule,diraama,wollotanno rosishshu hayyubba qixeessa.

  Hajo la’annonsa Mootimaawenna Mootimaawe ikkitinokki uurrinshuwa ledo qinaawatenni miccaammanno noonsa qoosso, miccaammanote keeranchima agarate, keeraansatena gobbansa qolate dandiisannota loosu aana noo seera woy wole doogo, miccaammanno mashalaqe afi’dhara dandiitanno uurrinshuwana seera ayyiriisisanno bissa mashalaqe lai’nohunni huwanyo kalaqa.

  Hajo la’annonsa Mootimaawenna Mootimaawe ikkitinokki uurrinshuwa ledo qinaawatenni miccaammanno roorenni meentunna qaaqquullu togoo jaddora reqechi yitanno gede assanno korkaatubba shaashate dandiisanno huwanyo kalaqate loosa.

  Jaddo gargaratenna hunate loosu ana hosinoha dancha rosicho badatenni egensiisanna halashate looso loosa.

  Babaxitinno kaa’lo assitanno uurrinshuwanni afi’nanni woxxu kaa’lonni qoqqowu xaadooshu uurrinshuwana borrotenni uurrinshuwa seerimale mannu dadda’lo la’inohuni mashalaqe dagate iilitano gede assa.

  Gobba deerrinni Mannunni Dadda’latena kuri labinori aana sheemate einonna umise seera assite adhitino seerubba, wodhubba protokoole qoqqowu giddo loosu aana hosanno gede harunsanna loosu aana hosiissa.

  Mannunni Dadda’lana Manna Seeriweelo doogonni faro sayisate jaddo, jaddote rosichinsa luphi yiinore seera loosu aana hosiisatenni woyaabbinore qoqqowunni woriidi taqi geesha loosaasinete latissara dandiitano qinaabino hexxo harunsa.

  Manunni dadda’lana Manna seeriweelo doogonni Faro sayisate jaddo gargarate la’annonsari ledo qinaabino Waaxote loosu hayyo halaashsha.

  Mannunni dadda’late loosi ha’laalino qooxeesira miccaamaanote horo uyitanno minna qixaabano gede hajo la’annonsari ledo qinaawe loosa. <

  Mannunni dadda’late jaddonni huluulisinore, Darguwana Jaddote huluulo noonsa qooxeesa harunsinanni gede addi addi jaddote hajo dayrekitereete ledo taje soorira, gumulo harunsa.

  Mannunni dadda’lana Manna seeriweelo faro sayisate jaddo mittimatena miilla uurrinshani loosamino looso gumulo jeefisa, qineesa, gumulo keenatenni rippoorte Qoqqowu Seeriweelo manna doysate jaddo gargarate Amaale minina Federaalete Farcote Biirora iilanno gede assa.

  Wolootuno handaaraho bande qeechinani looso loosanno.