Gatona Yaate Boorde Borro Mini Loosi Billoonye 

Kuni loosu kifile seeru seejjamaanonna faradamaanotenni shiqanno gatona yaate xa’mubba haa’re gatona yaate amanyooti wodho kiiro 141/2008, lallawu kiiro 157/2007 biddissu kiiro 6/2008 garinni koyinsannire/la’nannire/ ikkitanna aantinoti loosinna biilloonyi noosi

• Gatona yaate lallawi, wodhonna biddissi garinni shiqqanno gatona yaate xa’mubba ku’laatubba haa’ranno, hasiissanno mashalaqquwa gamba assanno, boordete gumulora shiqishanno.

• Boordete tajubbanna sanadda garunni amadanno, agarannono.
• Boordete gumulo hedo aamantinota wo’manta hajubbanna qoqqowu gashshaanchinni wonsiinsoonni gumulubba garunni amadanno, agaranno, istastikisete taje qixxeessanno.
• Gatona yaate xa’mubba lainohunni boordetennino ikko qoqqowu gashshaanchiini aamantanno gumulubba gatona yaate xa’mo xa’mirihu afamanno seeru seejjo minira egensiisanno, jeefishshanno harunsao, gatona yaate xawisanno taje aanno.
• Gatona yaate gumulo waaga hoogatenna qorichu yoo jeefishshi sufa lallawu kiiro 157/2007 quwa 13/E/ garinni boordetenni uynanni hajajo hajo la’annonsarira saysanno. 
• Farcote Biiro loosu mininna seeru seejjo minna gashshooti komishiine gutante shiqishshannota gatona yaate xa’mubba haadhe kaimu gumulo hedo ledo boordete shiqishanno. 
• Awaawurshu tajenni woy kaphaancho sanadenni gatona yaate horaameessa ikkino woy balaxote ikkito sorantino yaannohu woxaratto shiqquro hare mashalaqqe gamba assanno, buuxo assanno, halaale ikkiro uynoonnita gatona yaate kaayyosi hoollanni gede gumulote hedo ledo boordete shiqishanno. 
• Gatona yaate amanyootinna jeefishshu aana gatona yaate loosi aana beeqqitanno bisubbaranna seeru seejjamaanora seeru huwanyo qajeelsha aanno/ qajeelsha uynanni gedeno injeessanno.
• Reyoote yoo uynoonniri taje gamba asse Federaalete Farcote Biiro widoonni I.F.D.R. pirezidentichi borro minira sonkanni gede assanna qorichu jeefanno gede gumullanni woyte seeru seejjo minna gashshooti gutamatenni jeefishsha harunsanno. 
• Gatona yaatenni horaameessa ikke dagate giddora karsantinori seeru seejjamaano keere heedhanni nootanna wiiro jaddote giddora ea hoongensa xiinxallo assanna xiinxallote guma loosu aana hosiisa/ xiinxallo assinanni gede hedo shiqishanno, jeefishshano harunsanno.
• Lallawunni, wodhotenninna biddissu kaiminni baxxitino irko hasiissannonsare seeru seejjamaano badatenni baxxino garinni gatona yaate horaameeyye ikkitanno gede kaimunni gumulote hedo ledo boordete shiqishanna gumulo jeefisiisa.
• Gatona yaate amanyooti lallawu kiiro 157/2007 quwa 13/A-G/B gatona yaate boordera uynoonni biilloonyinna loossa jeefissanno gede hasiissanno gumulo hedo qixxeessatenni hasiissanno loossa injeessanno, gumulsiisanno, loosu aana hosasinna jeefishshasino haja la’annosihu ledo waaxamatenni harunsanno.
• Ledotennino Farcote Biironni uynanni loossa loosanno.