Addi Addi Jaddubba Dayrekitoreete

Tenne tantano garinni addi addi jaddo hajubba yiinanniri taksetennata takes labbannorinna mussinnu jaddo gobbaanni noore jaddubba amadannoha ikke dayrekitoreetete aantino loossanna yawo noosi.  Farcote Biiro tantano lallawi kiiro 6/2012 uynoonnisi biilloonyenna loossa loosanno.  Federaalete Farcote Biironni lekkishshunni uynoonni jaddote hajubba qoqqowu seeru allaalshi biilloonyi hundaanni ubbanno mussinna labbanno jaddubbanna taksete seerubba sa’’atenni loonsanni jaddote ikkitubba gobbaanni noota jaddote ikkitubba harunsanno, hasiisannoha seera agadhitino gumulo aanno.  Jajjabbanna xurqa ikkitino jaddote ikkitubba jaddote qorto poolisete ledo mitteenni buuxanno woy buunxanni gede assanno, qorto aliidimmatenni massaganno.  Dayrekitoreetete biilloonyi hundaanni worraanni jaddubba loosamansa ikkado huluullo shiqqiro hasiissanno qorto buunxenna ikkado tajenni irkisante shiqqanno gede assa,  Kisse shiqqinonsa hajubba aana naqaashshootu xawissannore huwatatenni yekkeerote illachi/gumi/ aana dinyete albaanni balanxe xiinxallatenna qixxaawateeni shinqe yekkeerama,  Gawajjishiishaano naqaashshoti aana qorto assinanni gede gumula, gumano harunsa,  Jaddotenni Huluullammoonnisarinni shiqanno woowetenna qoosso agarroe, woowetenni shiqannorenna amandoonnire agurroe woy woowete amandoonni jajja qolloe yitanno woxaratto yoote minira shiqqeenna dawaro uynani gede hajanjiro dawro shiqishatenni yekkeero assa,  Jaddotenni huluullammoonni manniha qortote korkaatinni egizibitetenni amandoonni jajja rahotenni gumulo afiranno amuraate diriirsatenni jeefishsha harunsa, keeanna hasiissanno gumulo aa.  Yoote mini uyno gumulo jajja gumulote garinni jefisiisa, fitihabeerete yekkeero kaysiissannota ikkituro yekkeero assinanni gede fitaabeerete hajubba dayrekitoreetera egensiisanna wo’ma taje aa,    Dayrekitoreetenniwa dagganno kisse kaynsoena woy shaarantoe yaanno woxaratto haa’ra, qoranna seeru garinni gumulo aa,   Addi addi jaddubba gargaratenna gumaame assate dadiissiissanno xiinxallubba assanna haaruubba amuraatubba diriirsa,  Deerru deerrunkunni shiqqanno kado aana yekkeero assa, kadotenna keedote woxaratto shiqisha, kadotenna keedote woxarattora dawaro aa,  Xurqa ikkitino jaddote tajubbanna hundi seeru allaalaanonni shiqqanno massagaancho hajajo xa’mubba aana gutunni woyi panaletenni gumula,  Poolisete ledo assinanni sumuumme kaiminni waaxamme loosa,  Mereershubbatenna Hawaasi quchumi gashshooti aliidi seeru allaalshinni uurrinshubbanni shiqqanno kadote koffeenyubba buuxe hasiissanno gumulo aanno, kado xa’mate ikkado ikkitino hajubba hiikkunni deerrinnino biilloonyu noonsa yoo minna kado xa’manno, woy dawaro aanno gede xa’minnooni hajubbara dawaro aanno. Keedote woxarattuba qixxeessatenni biilloonyu noosi yoo minira shiqishanno woy woshshamaancho ikkino keedote woxarattubbara hasiissanno dawaro aanno, yekkeeramanno.  Hasiisi garinni qoqqowu qooxeessira loosamanno jaddote hajubba poolisete ledo gutunni qorto buuxanno, xaaddote kisseno shiqisha dandaanno.  Foolishshote minenna seeru seejjo mine noo manna towaata, amadooshshensanna noowa seeru garinni amndoonnita buuxa, seerimale assooti illinonsaaa ikkiro taalanno gede assa, seera sa’ino yinoonni manni aana seeru garinni qaafo adha woy adhinanni gede assanno.    Mereershubbatenna Hawaasi Quchumi Gashshooti aliidi seeru allaalshi uurrinshubbanni shiqqanno hajubba harunsanno, hasiissannoha ogimmate irko assanno.  Hasiisanno garinni mazigabbate aana kissete lekkishsha aanno.  Dayrekitoreetete aliidi dayrekitoreetenni aamantino loossanna yawo aliidimmatenni massaganno, irkisanno, qineensanno, harunsanno.  Wolootu loosu ledo xaadu noonsa loossa loosanno.