Muishshu Jaddo Dayrekitoreete Farcote Biiro loosu mine mussinnu jaddo dayrekitoreete qoqqowu qooxeessira hiikkono ikkiro iillitannota ayeetano mussinnu jaddo qortonna kissete harinsho aana looso garunni dimassangoonni woy dimassanganni yitanno huluullo heedhusiro hajo adhe buuxanna kassasa woy aye yannarano yekkeerote harinsho giddo eate biilloonyisi noowa hee’reenna aantino mussinnu jaddo lainohunni biilloonyinna roorrimma noosi.  Farcote Biiro tantano lallawi 6/2012 uynoonnisi biilloonyenna loossa loosanno.  Seerunni federaalete Farcote Biirora uynoonnisi biilloonyi noowa hee’reenna ayno qoqqowu mootimma massagaanonni loosantanno mussinnu jaddo, Qoqqowu mootimma loosi mine mootimmate loosaasinenni loosantannota mussinnu jaddubba,   Mereershubbatenna Hawaasi Quchumi Gashshooti amaale mine mootoonsinoonniri mootimmate biilto woy mootimmate loosu mine amaalete mine ikka hoogirono qaru gashshaanchinni woy kantiiwunni mootoonsinoonni biillonni loosantannoti ayee mussinni jaddubba,  Qoqqowu motimma annimmanni galtanno woy horote qeechi wo’ma woy gama noosi latishshu uurrinsha woy akisoone kubbaaniy woy qoqqowoho noo dagate uurrinshubbanni loosantanno mussinnu jaddubba,  1966 M.D fulino jaddote seeri, federaaletedagate riqiwaano amaale mine mussinnu jaddubbara fulino seeri kiiro 881/2007 hattonno wolootu seerubba mussinnu jaddubbati yinoonniri ikkitote garinni qoqqowinkera jeefama noonsarenna qoqqowu yoo mini biilloonyi hundaanni ubbannore mussinnu jaddubba buuxanno, kisse kassasanno, gumulsiisanno.    Mereershubbatenna Hawaasi Quchumi Gashshooti aliidi seeru allaalshi uurrinshubbara uynoonni qoratenna kassasate biilloonye garunni loosu aana hosiisanni nootanna hoonge shiqe harunsanno.  Hasiisanno garinni qoqqowoho, mereershubbatenna Hawaasi quchumi gashshooti aliidi seeru allaalshi loosu mini mussinnu jaddubba qummeessa haarate dandiissitanno kifiletantananno.  Qoqqowoho poolisete komishiine woy mereershubbanna Hawaasi quchumi gashshooti tantanano mussinnu jaddo qorto poolisete ledo ikke qummeessunni hanafe qorto buuxanno seeru allaalaano gaamo tantananno, assootensa harunsanno.   Shiqqanno koffeenyubba/woxaratto/ haaratenni haja la’annonsarira soyatenni buunxanni gede assa, shiqqinota gumulote hedo keenatenni gumula,  Maaxame mussinnu jaddo mashalaqqe gamba assinanni bissa lainohunni  Farcote Biironninna handaara massaganno 2kki xaphoomu seeru allaalaanchi ledo ikke bada, massaga, harunsa,  Naqaashshete widira higgannota huluullammannniri qaale keena, gumula, aliidi massagaanonni gumulanturo qaale uytanno gede assa,   Baxxitino hajo xaadduronna ikkito hasiissuro mitto qortote isilanchimma woy jajju xiinxallo loossa baxxino garinni woy gaamotenni loosa, jeefishshasi harunsa,  Gawajjaano ikkitino naqaashshooti aana qorto assinanni gede gumula, gumano harunsa,   Mussinnu jaddonni huluullammoonniri silkete, postunninna wolootu maaxante xaaddanno doogga harunsine haa’nanni gede gumulote hedo shiqisha, gumulo loosu aana hosiisa, jeefishshano harunsa, Mussinnu jaddonni huluullammoonni biiltonna kassasama hoogate qoosso noonsarita jaddote beeqqooshshe keena, gumula, aliidi massagaanonni gumulliro qaale uytanno gede assa,  Jaddotenni huluullammoonnisarinni shiqqanno woowetenna qoosso agarroe, woowetenni shiqannorenna amandoonnire agurroe woy woowete amandoonni jajja qolloe yitanno woxaratto yoote minira shiqqeenna dawaro uynani gede hajanjiro dawro shiqishatenni yekkeero assa,  Mussinnunni huluullammoonni manni jiro buunxanni gede assa, kiantinotanna egizibitete amandoonni jajjanna woxu amadooshshenna qollanni gara lainohunni gumaamonna lifixa amuraate diriirsa, jeefishshano harunsa, keenanna hasiissanno gumulo aa, ragi’nanni gede woy qollanni gede yitannoti yoote mini uyno gumulo jajja mootimmate eo assiisa, fitihabeerete yekkeero kaysiissannota ikkituro yekkeero assinanni gede fitihabeerete hajubba dayrekitoreetera egensiisanna wo’ma taje aa,  Kisse shiqqinonsa hajo aana naqaashshootu xawissannore huwatatenni yekkeerote illachi/gumi noowa dinyete albaanni balaxe xiinxallenna qixxaawe shiqatenni yekkeerama,  Dayrekitoreetenniwa dagganno kiise kayinsoe woy woyyeessinoe woxaratto haaratenni buuxa, gumulote hedo aliidi massagaanora shiqishe gumulo uynanniro  loosu aana hosiisa,  Mussinnu jaddonna jajjabba amnyootu xe’ne qummeessaanonna naqaashshooti bisinsanna loosinsa woowenna agarooshshe uynanni ikkito aliidi massagaano ledo amaalamatenni injeessa, harunsa, loosu aana hosiisanna adhinoonniti rabbate qaafo heedhuro seeru garinni kia, buuxanna jeefishsha harunsa.  Deerru deerrunni shiqqanno kado aana yekkeero assa, kadotenna keedote woxarattora dawaro aa,  Xurqa ikkitino jaddote tajubbanna hundi seeru allaalaanonni shiqqanno massagaancho hajajo xa’mubba aana gutunni woy gaamotenni gumula,  Kadote yekkeero la’ne gumulla geeshsha mootimmate horo gawajjitanno hundi yoo mini gumulo heedhuro jeeffukkinni kiante keeshshitanno gede kado macciishshanno yoo minira woxaratto shiqqanno gede assa, woxaratto yannatenni shiqasenna hajajo/kio aamamase harunsa,  Amanyootunna Tsere-mussinnu komishiinenni fulte loosu aana hossino biddishshubbanna manuwalubba seeru allaalaanchira uynoonni loossanna yawo loosu aana hosiisa,   Mussinnu jaddo qummeessa woy woaratto woy mazigawa /taje/ adhateni  mashalaqe /taje/ tantananno dawaro aanno, hajo harunsannohunnira qummeessa woy tajete badooshshu kiiro aanno,  Qorto qoraanchu poolisooti ledo gutunni qoranno buuxanno, massaganno, illaallisanno, harunsanno.   Biilloonyu noosi yoo mine kisse xintanno yekkeeramanno, gumulsiisanno.  Kadotenna keedote hajubba harunsanno,  Mussinnu jaddonni huluullammoonnire woy kassasamaano jironna jajja xiinxallanno, qaru xaphoomu seeru allaalaanchinniwoy yoote mini hajajonni kiantanno gede assanno.    Federaalete hajubba federalete Farcote Biironni lekkishsha uynisiro qoranno, kassasanno, gumulsiisanno. Horrantino jironna jajja qolsiisanno.  Dagatenna mootimmate horo gawajjannokki doogonni ayee mussinnu jaddonni huluullammoonniri/kassasamaano/ ledo sumuumme assanno.  Kassasamaanonna naqaashshootu shiqqanno gede assanno.  Mereershubbatenna Hawaasi quchumi aliidi seeru allaalshi uurrinshubbanni shiqqanno hajubba harunsanno.  Tajubbate aana gumulo aanno.  Hasiisanno garinni tajubbate aana kissete lekkishsha aanno.  Qummeessaanotenna naqaashshootaho agarooshshe assanno.  Wolootu loosu ledo xaadu noonsa loossa loosanno.  Dayrekitoreetete uynoonni loosonna yawo aliidimmatenni massaganno, irkisanno, qineensanno, harunsanno.