Seeru Hajjubba Handaara

Kunni handaari qaru xaphoomu seeru allaalaanchinni uynanni babbaxxino loossa jeefisiisannoha ikkanna leedoteno woshshamaanchimmansa konni handaara massagaanohura layinkki xaphoomu seeru allaalaanchira ikkitinno dayerekitoreete massagaanno

1. Seeru Xiinxallonna Qixaawo Dayrekitoreete
2. Seeru Rosishshinna Tuqishshu Dayrekitoreete
3. Ayyaayyamaanote, Siivike Maamarranna Tajete Borreessishi Dayrekitoreete
4. 4 Mannihimmate Qoosso, Seerimale Garinni Manna Doyyiissate Hajubba Borro Mine

Seeru Hajubba Handaarinna Handaaraho Wonshamaancho Ikkitinno Loosu Kifila Loosu Qeechanna Biilloonye

Seeru Hajubba Handaari Biilloonyenna Loossa Amuraate

Biilloonyenna Loosannore

• Farcote Biiro tantano seeri 6/2012 2kki xaphoomu seeru allaalaanchira tittirshunni uynoonni biilloonyinna loossa loosu aana hosiisanno. 
• Handaara lainohunni Farcote Biiro uurrinshara uynoonni biillonyenna loossa mixiranno, tatananno, massaganno. 
• Hundasiinni no loosu tantanubbara massagaancho mixa mixira, mixote jeefishshu rippoorte yannase agarre keennanni gede assa.
• Woshshamaanchimmansa handaaraho ikkitino dayrekitoreetubbanna sufante no tantanubba loossanna jeefishsha qineensa, irkisa, hasiissanno hajajo aa. 
• Handaaraho woshshamaancho ikkitino loosu kifillanni uynoonnni gumulo aana woxaratto shiqquro buuxe gumulo aa. 
• Qoqqowu mootimma uurrinshubba handaaru dayrekitoreetubba ledo halante loossanno ikkito harunsa, irkisa, aliidimmatenni massaga. 
• Hundasiinni afantanno tantanubba loosu jeefishshi deerra haja la’annonsari ledo ikkatenni yanna yannatenni keena, keenotenni ka’’atenni hasiissannota taashshote qaafo adha
• Hundasiinni noori mannu wolqa laooshshunna dandoote aana leeltanno foonqe badatenni tirranni raga woranna gumaho iillisha. 
• Handaaru loosaasinera loosu jeefishsha yanna agarre keennanni gede assatenni deerransa bada, konni kaiminni dhuku dhaabbanyooti hasiisannonsa loosaasinera farcote woyyeessate B/mini widoonni qajeelsha afidhano gede assanno. 
• Handaaru giddo soorrote uduunne yaano, BPR, qansootu chaarterenna BSC loosu aana hosiisa sufama noosi ikkitonni gumaamo ikkanno gede qineensa, harunsa, mitiimma xiinxallotenni adatenni tidantanno gede assa. 

• Woshshamaanchimmansa handaaraho ikkitino dayrekitoreetubba sooreeyye fajjote xa’mo aana gumula
• Handaaraho jeeffannore ikkitinore assootu biddishshubba loosu aana hossanno gede qineensa, harunsa, qarru noonsa biddissubba heedhuro taashsho assinanni gede assa. 
• Handaaru sooreessi loosu lifinxeranna gumaamimmara yineenna hasiisanno garinni biilloonyunna loosu hajo la’annosi dayrekitoreetera lekkishshunni saysa, 
• Farcote Biironni bande uynannita wole loossa loosa,
• Handaaraho gaammoonnita baajeettenna wole gibiate gashshanno.
• Handaarunnita gambooshshe massaganno, gumulo jeefase harunsanno.
• Handaaraho woshshamaancho ikkitinore loosu kifilla waaxooshshu assootinna hornyu harunsonna irkote amanyoote diriirsanno, harunsonna irko assanno
• Handaaraho shiqqanno koffeenyubbaranna hajubba lainohunni gumulo aano, haja la’annonsa bissanni tidantanno gede assanno.
• Handaaru sokko guutisa qalxite amaddino qarrubba badanno, tidhatanno gede hasiissanno harunso assanno. 
• Farcote amanyootunna uurrinshate seeda yanna mixo handaaraho sokko guutisate jawa qeecha noonsare dagoomu kifilla dagate tantanubbanna hojji handaari beeqqanno bare qixxeessinanni gede assanno. 
• Mereershubbatenna Hawaasi quchummi gashshooti aliidi seeru allaalshi uurrinshubba lainohunni irkonna harunso assanno.  
• Handaaru loosinna yawo lainohunni haja la’annonsa bissa ledo sumuummete sanade garinni babbaxxitino xaadooshshu garanna bare injeessatenni loosu gumaamo ikkanno ikkito injeessanno. 
• Woloota Farcote Biironni uynanni loossa loosanno. 

3.3.2.2. Handaaru Loosu Amuraate

Handaaru konni aleenni tittirshunni xawinsoonni loosi yawosi fulate aanino amurate harunsanno gede assinoonni

• Mixote jeefishsha hundasiinni afantanno loosu kifilla ledo ikke aganunni, 3, 6, 9 aganinni, hattono dirunni keenanno, foonqe noowa badanno, tirranni raga woranno, loosu aana hosansa harunsanno. 
• Seeru handaari loossa hajo deerransa agadhite shiqqanno woxaratto woy koffeenya buuxe hasiissanno gumulo aanno. 
• Loonsani loossa uurrinshate soorrote loosaasine dhaabbanyi manuwale tantanantino soorrote gaamubbanna soorrote uduunni kaiminni qinaabbinota ikkitanno gede assa noosi. 
• Handaaru loosaasine loosu jeefishsha guma illachishshino (wuxeti tekori) amanyooti garinni yannasi agarre loosu kifilla baalanti keenantenno gede assatenni deerransa badanno, konni kaiminni dhuku dhaabbanyooti hasiisannonsa loosaasinera qajeelshu hassatto farcote woyyeessate B/minira shiqishshano.
• Xaphoomuni loosu handaarira hasiisannoha mannu wolqanna wole gi farcote woyyeessate B/mini widoonni qajeelsha afidhano gede assanno biate yanna yannantenni harunso assatenni wo’mitanno gede hajo la’annosi loosu handaarira sayisanno. 

3.3.3. Handaaru Woshshamaano Loosu Kifilla Loossanna Biilloonye 

Handaaraho woshshamaacho ikkitinori loosu kifilla woshshamaanchimmansa seeru hajubba handaari 2kki xaphoomu seeru allaalaanchira ikkite tenne tantano garinni hojjinna gutu loosinna biilloonyi noonsaha ikkanna tinino aanino garinni tantanantino

  3.3.3.1. Handaaru Loosu Kifilla Gutu Loossanna Biillonye 

• Loosu kifillenni bande uynoonnisi seeru hajubba garinni loosonsa massaganno, seeru hajubba handaarinni bande uynanni loossa loossanno.

• Loosu kifillara uynoonni gumulo aana koffeenyu shiqiro buuxe gumulo aanno.
• Loosu kifilensa mixo qixxeessatenni keenanno, keenote kaiminni hasiissanno taashshote qaafo adhanno. 
• Hundaasiinni noo mannu wolqa laooshshinna dandoo aana leeltanno foonqe taashshate gumaho iillishanno.
• Bande uynoonni loossa gumaamimmara qineensanno, harunsanno, irkisannono.
• Mixo qixxeessanno, loosu jeefishshi rippoorte yannase agare keenanno, haja la’anno loosu kifilera shiqishanno. 
• Soorrote kakkaooshshi/millimmillo/ aantetennino uuritukkinni sufama heedhanno gede deeru deerrunkunni no soorrote gaamo tantanubba gumaamimma harunsanno, irkisanno, qineensanno. 
• Assootu, soorrote loosaasine dhaabbanyinna soorrote uduunninni qinaabbinota ikkansa harunsanno.  
• Jeefisaanote loosu jeefishsha keenanno. 
• Dayrekitoreetete hasiisannoha mannu wolqanna wole gibiate balanxe baajeette amadisiisatenni wo’mano gede assanno. 
• Dayrekitoreetete hundaanni noo ogeeyyeranna loosaasinera diru fajjo aa, diru fajjo gumulo aanno. 
• Loosu mini miilla mereero hasiisannoha loosu xaadooshshinna waaxooshshu heeranno gede assa, badooshshu /qarru/heeriro tiratenni dancha loosu xaadooshshe kalaqa. 
• Uurrinshate jeeffannotanna dayrekitoreete la’anno tittirshu assootu biddissubba loosu aana hosansa harunsanno. 
• Handaaru sooreessi ledo amaalamatenni loosu kifile sokko guutisate kaa’lo assitino uurrinshubbanna loosu kifilla ledo loosu xaadooshshe kalaqanno, waaxote loosanno. 
• Loosu kifile sokko ledo amadantino mashalaqqubbanna dancha rosicho tantananno.
• Loosu kifilera shiqqanno woxarattonna koffeenya haa’re koysanno, hasiissanno dawaro aanno.
• Loosu kifilenni sokko dagoomu kifilla beeqqitanno dagate bare qixxeessanno, beeqqisiisanno, ledoteno handaaru sooreessi aanno loossa loosanno.