Dayrektoreete woshshamaanchimmasi handaaraho ikkite aante noota tittirshu loossa loossanno.

• Qoqqowu mootimmanni burqitanno seeru hedo hattono wolootu bissanni qixxaabbe shiqqino safote seerubba bayriidi seerinnino ikko qoqqowunna federaalete mootimma seerubba ledo xaaddinota ikkase buuxatenni isilanchimma agadhino safote lallawubba, wodhubbanna biddissubba qixxeessa hattono hajo la’annonsa bissara ogimmate hedo shiqisha, 
• Seeru xiinxallonna safote seeri qixxaawo isilanchimma buuxisiisanno safaraancho qixxeessanno, loosu aanano hosiisanno.
• Haaru seeri fulannonsarenna woyyeessinanni seerubba himanaancho xiinxallo harisanno, safote seeri mixo qixxeessatenni loosu aana hosiisanno. 
• Qoqqowu mootimmanni fultanno seerubba xiinxallo assanno, safote seera qixxeessanno, taashshanno/shuqunanno.
• Owatamaanotenni/uurrinshatenni/ xa’mo shiqishuro safote seera qixxeessanno.
• Qixxaabbino safote seerubbara hedo aanno, hasiisannoha ikke leelliro lawishsha ikkitanno safote seerubba qixxeessanno. 
• Qoqqowu mootimma seerubba loosu aana hosansanna baalawa taalte noota ikase buuxa hattono qoqqowu jefisiisaano loosu minna loosonsa seeru garinni loossanni noo gede shiqe harunsa.  
• Loosu aana noore qoqqowu seerubba horo yanna yannatenni xiinxallatenni woy wolu xiinxallanno gede assatenninna woyyaabbino hedo qixxeessatenni qoqqowu mootimmara shiqisha, fajjinniro woyyaambete hasiissannore safote seerubba qixxeessatenni hajo la’annonsa bissara shiqishe wonsiisa. 
• Qoqqowu giddo jeefanno fajjinonni qoqqowunna federaalete seerubba gamba assa, xaphisa, hattono seerubbate aana leeltanno seeru soro xaadduro taaltano gede haja la’annonsa bissara soya, 
• Loosu mine jeeffanno dayrektoreete la’anno tittirshu assooti biddissubba loosu aana hosansa harunsa, 
• Safote seeri qooxeessira no loosu xaadooshshe gumaamo assate loosu timo wo’mate hasiissanno gutamaano bissa ledo sumuummete borro qixxeessa, 
• Seeru amaale, safote seerinna xaphishshu loossa ledo amadaminohunni seeru owaante handaari 2kki xaphoomu seeru allaalshinni bande uynannita woloota loossa loosa. 
• Dayrektere konni aleenni dayrektoreetete uynoonnita loossanna biilloonye massaganno, irkisanno, qineensanno, harunsanno. 
• Seeru amaale, safote seera, seera taashsha, 
• Seeru  tiro loosonna woyyeessate loossa loosanno, 
• Mereershubbatenna Hawaasi quchumi gashshooti aliidi seeru allaalshi uurrinshubbanna woraddate deerra no loosu kifilla assoote harunsanno, hasiisannoha ogimmate irko assanno. 
• Loosu timo wo’mate hasiissannore ikkitinori gutamaano bissa ledo sumuummete borro qixxeessine loosu aana hosiisa, 
• Woleno loosu ledo amadantanno loossa loosanno.